आण्णाचा विजय.......लोकशाहीचा विजय......!!!!!

लोकशक्ती ...जनशक्ती........विजय.......!!!!!!!!!

अखेर अहिंसाच्या मार्गाने आण्णांनी भ्रष्टाचारा विरुद्धची पहिली लढाई जिंकली. ४५ वर्षानंतर लोकपाल विधेयकावर संसदेत एकमत झाले ही एक ऐतिहासिक घटना होय. भारत सरकारमधील काहीं नेते प्रथम पासूनच अन्नाचे आंदोलन कसे मोडून काढतायेईल इकडे जास्त लक्ष केंद्रित केले पण त्याना त्यांच्या अपेक्षे पेक्षा जास्त जनमत उभा राहिलं ही अपेक्षा त्यांना नव्हती. त्यांनी आपल्या कडील सर्व अस्त्रांचा उपयोग करून पहिला पण सरते शेवटी जन रेट्या पुढे झुकावेच लागले.

आज जें संसदेत सर्वांनि आण्णाच्या तीन मुद्यावर सहमती घडवून आणली ते काहीं महिन्या पूर्वीच करू शकले असते पण नाही, काही सरकार मधली मंडळी यास प्रत्येक वेळी खो देण्यामध्ये यशस्वी होत होते व आण्णा टीमचे सदस्य ताठर भूमिका घेत राहिले तेंव्हा वाटले कि हा तिढा कसा सुटणार ?

ज्या मंडळीना या आंदोलनाची तसेंच आण्णाच्या प्रकृतीती चिंता होती तसेंच श्री रविशंकर ,श्री भायू महाराज आणि ईतर बुद्धीजीवी लोकांच्या मध्यस्तीने सरते शेवटी संसदेमध्ये सार्वमत ठराव पास झाला तो मुखत्वे करून आण्णाच्या तीन मागण्या.

१ ) कनिष्ठ स्तरावरील कर्मचार्‍यांना लोकपालाच्या कक्षेत आणा.

२ ) केंद्रात लोकपाल आणि राज्यांमध्ये लोकायुक्ताची नियुक्ती करा
३ ) नागरिकांची सनद

समाजसुधारक माननीय अण्णा हजारे यांनी जनलोकपाल विधेयकाचे रणशिंग फुंकून भ्रष्टाचार निर्मूलनासाठी अतूट निर्धाराने पुकारलेल्या लढ्याला देशाच्या सर्व भागांतील आणि सर्व समाज घटकांतील युवकांचा मनःपूर्वक सक्रीय पाठिंबा मिळाला आहे, या युवा शक्तीचा योग्य प्रकारे उपयोग करून व चांगल्या दिशेकडे वळविले पाहिजे.

दुसरे महत्वाचे म्हणजे ह्या आंदोलनामुळे मध्यम वर्गीय मतदार जागरूक झाला व ह्या आंदोलनात सहभागी झाला होता. आता वेळ आली आहे कि या जागरूक झालेल्या तरुण आणि मध्यम वर्गीय मतदारांनी येणाऱ्या निवडणूक प्रक्रियेत सहभागी होतील आणि आजतागायातचा निष्क्रियपणा बाजूला सारून आपल्या मतदानाचा हक्क बजावतील तरच योग्य प्रतिनिधी निवडले जातील.

संसदेने लोकपाल विधेयक पारित करून त्याचे रूपांतर कायद्यात करणे हा भ्रष्टाचार निर्मूलनाचा एक उपाय झाला. पण जो पर्यंत जनते मध्ये जनजागृती होणार नाही कि लाच घेणारा जसा दोषी तसाच लाच देणारा हि असतो.

म्हणून सर्वांनी प्रतीज्ञा करावी कि " मी लाच घेणार नाही आणि देणार नाही", आत्मीयतेचा भाव जागविला, तरच प्रचंड मानसिक परिवर्तन करणे शक्य होईल आणि त्या दृष्टीने प्रत्येक क्षेत्राला आपल्या विचारशैलीत बदल कारावा लागेल.