मंगळवार, ६ फेब्रुवारी, २०१८

__३२ अप सिकंदराबाद एक्स्प्रेस











तो दिवस मला अजुनही आठवतो पुणे स्थानकांत सिकंदराबाद एक्स्प्रेस ३२ अप आपल्या  पुढच्या प्रावासाठी सज्य होती ,तिच्या सुटण्याची वेळ होऊन गेली तरी का सुटत नाही ? ही चर्चा सर्व प्रवाश्यामध्ये चालु  असता कुणीतरी खिडकीतून डोकावून बघितले ग्रीन सिग्नल दिलेला दिसत होता पण गार्ड शिट्टी तोंडात ठेवून न वाजवता कोणाच्या परवानगीची वाट पाहत होता हे प्रवाश्याना एक कोडच होत . ह्या गाडीचा उशिरा सुटण्यामुळे  सर्व फेरीवाल्यांचा धंदा भरपूर झाला.  चायवाला, नाश्तावला, पेरूवाला, पाणीवाला  सर्वांचा धंदा व्यवस्थित झाल्याचे समाधान त्यांच्याकडे बघुन जाणवत होते.  शेवटी  तिष्ठत   उभी असलेले मंडळींनी श्वास सोडला जेव्हा गार्डनीं शिट्टी वाजवून हिरवा झेंडा इंजिनास दाखवला आणि एकदाची ही गाडी पुणे स्थानक सोडून आपल्या निर्धारित प्रवासास मार्गस्त झाली.

माझी ड्युटी त्यादिवशी फर्स्ट क्लास वातानुकूलित कोचवर होती .गाडीने पुणे सोडतानाच मी आंत चढून रिझर्वेशन चार्ट नजरे खालून घालत होतो . गाडीने खडकी सोडली आणि माझी नजर सहज कोचच्या प्रवाश्यावर गेली तेव्हा माझ्या नजरेस एक बाई बहुधा सिंधी असावी तिच्या शेजारी एक आया प्रमाणे दिसणारी बाई व तिच्या जवळ एक छोटस बाळ फार फ़ार तर १,२ महिन्याचे असावे अतिशय गोंडस होते ते बाळ. त्या आयाचेपण तिकीट फस्ट क्लासचे असल्यास मनात आले अशी पण माणसे आहेत जी आपल्या अटेण्डेण्टना पण आपल्या सोबत फस्ट क्लासमध्ये घेऊन जातात. मी माझे तपासणीचे काम करीत करीत त्या सिंधी बाईकडे पोहोंचलो  तेव्हा कळले की  आयाचे तिकीट तिसर्या वर्गाचे आहे . मी त्यांना समजावले की  नियमा प्रमाणे त्या  ह्या कोचमध्ये प्रवास करू शकत नाहीत तेव्हा त्या म्हणाल्या की  लोणावळ्यास तिला तिकडे पाठवते.

लोणावळा स्टेशन आले तशी ती आया उतरली व मागच्या डब्यात बसण्यास निघुन गेली. आता गाडीने लोणावळा सोडले आणि घाटातुन मार्गक्रमण करीत पुढच्या प्रवासास निघाली. कोच मध्ये तशी शांतता होती ती तरुण सिंधी एकटीच बसली  आणि तिचे मुलं गाढ निद्रिस्त झाले होते.  गाडीने दोन ठिकाणी थोडी थांबत थांबत  घाट उतरत कर्जत स्टेशन गाठले. मी खाली उतरून सर्व काही ठीक आले ते बघुन परत माझ्या जागी स्थानापन्न झालो. गाडीने आता वेग घेत अंबरनाथ पार केले आणि पंधरा मिनिटांनी कल्याण जंक्शन येईल ह्या विचारात थोडी विश्रांती घ्यावी म्हणून डोळे मिटून स्वस्थ बसलो. इतक्यात " कंडक्टरजी ,कंडक्टरजी " अशी हाक आली माझी तंद्री भंग पावली व कोण हाक मारतोय हे बघितले तर काय तीच सिंधी तरुण अतिशय घाबरलेली रडत माझ्याकडे आली व म्हणाली " मास्टरजी " मेरे पचास हजार  रुपये गाडीमेसे गीर गये . मी लगेच खिडकीतून बाहेर बघितले व कोणत्या नंबरचा खांब  गेला व लगेच जोरात साखळी ओढली .

गाडीच्या ड्रायव्हरने ब्रेक्स लावले आणि गाडीचा वेग हळूहळू मंदावत होता आणि काही क्षणातच गाडी थांबणार होती . त्या अवधीतच मी त्या तरुणीस किती पैसे पडले हे लोकांनी विचारले तरी सांगूनये अशी सूचना केली व तिला विचारले ते कसे पडले? ती म्हणाली मी स्वच्छता गृहात गेली आणि जसे कामोटचे   झाकण उघण्यास  लवले  तेव्हाच माझ्या ब्लॉउज मध्ये रुमालात बांधून ठेवले १०० रुपयाचे नोटा खाली कामोट मध्ये पडले .पैसे गुंडाळून ठेवलेला रुमाल बांधलेले नव्हता तेव्हा नोटा वाऱ्यामुळे गाडी खाली पडताना सुट्या होऊन उडत  गेल्या . 

गाडी विठ्ठलवाडी जवळ थांबली आणि गार्डनी लाल सिग्नल दाखवत आमच्या कोच पर्यंत आला .त्यांना मी थोडक्यात सर्व हकीकत सांगितली तेव्हा तो म्हणाला इतके पैसे ? त्या काळात ती रक्कम तशी मोठीच होती. गार्डने गंभीर होत म्हणाला  " चलो हम पीछे जायेंगे और देखेंगे " मी त्या तरुणीस म्हणालो  आम्ही मागे जातो आणि बघु  मिळतात का पैसे . खाली  उतरून वाकून बघितले असता एक १०० ची नोट  नळकांड्यास चिटकलेली दिसली ती काढली आणि गार्डसह मागच्या बाजुस निघालो.

गार्डने लाला झेंडा आपल्या डब्यास अडकवला  व थोडे दूर गेलो तेव्हा  आम्हास एक लोकल अंबरनाथकडे जाताना दिसली  . मोटरमनने थांबलेले गाडी बघुन व आम्ही दोघे ट्रकमधून चालत काही तरी हुडकत असलेले बघितले व त्याने लोकल आमच्या जवळ थांबवली व आम्ही मोटरमनच्या कॅबिन मध्ये चढून त्यास मागच्या खांबाचा नंबर जवळ सोडण्यास विनंती व त्यास झाल्या गोष्टीची कल्पना दिली. मोटरमनने त्या नंबरचा खांब येताच आम्हास उतरविले आणि तो पुढे गेला. आम्ही दोघे नोटा शोधण्यास सुरवात केली .थोडे चालत पुढे गेलो तर शंभराच्या  हिरव्या नोटा बऱ्याच ठिकाणी दिसल्या आम्ही एक ,दोन , तीन असे गोळा  करत करत  क्रॉसिंग पर्यंत पोहचलो .त्या क्रॉसिंगला चार मुले जात होती आणि त्यांना पण त्या नोटा  दिसल्या ती मुले  आनंदाने  नाचत ज्याला जेवढी मिळतील तशी खिश्यात  कोंबत होती. आम्ही त्या मुलांना थांबविले व आम्ही तेच शोधत आहोत हे सांगितले  आमच्या युनिफॉर्म मुळे  आम्ही रेल्वे अधिकारी आहोत हे मुलांना कळले होते . मुलांना सांगितले की गोळा केलेल्या सर्व नोटा परत करा .मुलांनी खिश्यात  त्या कोंबलेल्या नोटा नाराजीने आम्हास  दिल्या व आपल्या वाटेने गेले. 

थोड्या अंतरावर काही मजदूर रेल्वे रुळावर काम करताना दिसत होते . मनात  शंका आली की ह्यांना पण काही नोटा सापडल्या असतील तर त्यांच्या बाजुस जाऊ लागलो . इतक्यात त्यातील एक मजुर रुळांची दुरुस्थी करीत आमच्याकडे येताना दिसला .तो जवळ आला व हलकेच दबक्या आवाजात म्हणाला साहेब  आमच्या मुकादमाला कसलेतरी एक छोटे पुडके मिळाले आहे तेच कदाचित तुम्ही शोधात आहात तो तिकडे आहे. आम्ही बघुन न बघितल्यासारखे केले आणि त्या दिशेने चालू लागलो . मुकादमाकडे दोन मिनिटे बघताच तो चपापला व घाबरला . आम्हीं त्याला सांगितले की आम्हाला माहीत आहे की एक छोटे नोटांचे पुडके तुला रुळामध्ये सापडले ते बऱ्याबोलाने आमच्या स्वाधीन कर. आमचा रोख बघून त्याने आपल्या खिश्यातुन नोटांचे छोटे बंडल काढून दिले . गार्ड म्हणाले "और होंगे नोट तो निकालो " त्याने मग चक्क आपला रिकामा  खिसा काढून दाखविला . आता  पर्यंत जवळ जवळ अर्धा तास होऊन घेला आणि गाडी उभी ठेवली आणीक लेट झाली तर साहेबाना जाब द्यावं लागेल तेव्हा आम्ही मिळतील तेवढ्या नोटा घेतल्या आणि गाडीकडे निघालो .

आम्ही जसे डब्या जवळ पोहोचलो बोघतो तर अजून एक नोट दिसली ती पण उचलली आणि आंत
शरलो. त्या सिंधी तरुणीला गार्डची ओळख करून  दिली आणि हे सांगितले की  ह्यांच्या मदतीने जितक्या मिळतील तितक्या नोटा जमवील्या. अगोदरच उशीर  झाला होता गार्ड आपल्या जागेकडे जाता  जाता इंजिन ड्रायव्हरला  हिरवा सिग्नल दाखवत आपल्या  जागेवर पोहोचला . पुन्हा एकदाचीगाडी आपल्या गंतव्य स्थानी जाण्यास निघाली. मी त्या बाईंना जमा केलेल्या सर्व नोटा दिल्या आणि घडलेली सर्व माहिती सांगितली आणी विनंती केली की आपले निवेदन व मिळालेल्या रकमेची पोच द्यावी . निवेदन आणी पोच पावती त्यांच्या कडून घेतली . आमची कर्तव्यदक्षता व मेहनतीचे आभार त्यांनी आपल्या निवेदनात केले . पैसे परत मिळाल्याचे समाधान तसेच काही कमी मिळाल्याची हळहळ त्यांच्या डोळ्यात दिसत होती . आपल्या गाफील पणामुळे दहा हजार गमवावे लागले ही तर  जबर किंमत होती त्याचे वाईट वाटत होते .

दादर स्टेशन आले तिने आपले सामान व तान्हुल्यास संभाळत खाली उतरली आयाने सर्व सामान उतरवून
घेतले . त्यांना रिसिव्ह करण्यास  घरची मंडळी पळत प्ल्याटफॉर्मवर  हजर होती .मी खाली उतरलो 
तेव्हड्यात  गार्डपण आले आम्ही झालेली हकीकत त्यांना सांगितली ते तर चाटच झाले .  उतरून
घेण्यासाठी आलेले  त्या बाईचे सासरे होते त्यांनी सांगितले की ती रक्कम खरे तर त्यांच्या एका मित्राची
आहे ती त्यांच्या बिझिनेस पार्टनरने त्यांना देण्यासाठी त्यांच्या सुनेकडे दिले होते.असो जे झाले ते झाले
असे म्हणत आपल्या सुनेचे सांत्वन केले आणी आमच्या झालेल्या धावपळीचे तसेच तत्परतेचे कौतुक
करीत कृतघ्न्ता व्यक्त करीत आभार मानून गेले. ते जाण्या अगोदर मी त्यांचे नाव व पत्ता घेतला हे बघून
गार्ड माझ्याकडे प्रश्नर्थक दृष्टीने बघितले मी कखूणेनेच नंतर बोलू असे सांगितले.

गार्डेने  हिरवा सिग्नल दाखवला ट्रेन व्हीटीच्या दिशेने निघाली. व्हीटी स्टेशन  आले आम्ही आपआपल्या
डिपार्टमेंटला गेलो व आजचा रिपोर्ट तय्यार करून साहेबाना दिला . ह्यांत घडलेला संपूर्ण घटणे बाबत
सविस्तर लिहिले . ह्या घटनेमुळे गाडीचे डिटेन्शन जवळ जवळ ४० ते ४५ मिनिटे झाली पण इलाज
नव्हता आम्ही हेल्पलेस होतो . साहेबानी तो रिपोर्ट वाचला आणी पुढे वरिष्ठांना पाठवतो म्हणाले . काही
दिवसा  नंतर कळले की वरिष्ठ अधिकारी तो रिपोर्ट वाचून खूप समाधानी झाले कारण कंडक्टरने आपले
कर्तव्य नीट बजावले  होते. त्यांनी ह्या कर्तव्यदक्षते बद्दल प्रमाणपत्र दिले आणी माझ्या सर्व्हिस रेकार्डवर
पण तसे नमूद केले. मला अतिशय आनंद व समाधान मिळाले लवकरच माझ्या बढतीचे इंटरव्हू होणार
होते.

गार्डनीं पण आपला रिपोर्ट दिला व त्यांत ह्या घटनेमुळे गाडी ४० ते ४५ मनीटे  गंतव्यस्थानी उशिरा
आली . त्यांच्या वरिष्ठांनी ह्याच कारणासाठी त्यांना चार्जशीट का देवूनये अशी विचारणा केली.गार्डनीं
आपली कैफियत परत एकदा सविस्तर मांडली  व बऱ्याच खटपटी नंतर त्यांचे चार्जशीट रद्द झाले पण
वार्निंग मात्र मिळाले.

दोन एक महिन्यांनी गार्ड मला ड्युटीवर असताना भेटले  तेव्हा त्यांनी ही हकीकत सांगितली . हातजोडून
म्हणाले ह्या नंतर असे उपकाराचे काम कधीच करणार नाही. तसे बघितले तर ही रेल्वे आहे लोकल प्रमाणे
दोन्ही बाजूने चालते  नाहीतर बघाना  रेल्वे एकच आहे पण ह्याचे दोन डिपार्टमेंट  एकाच घटनेचा
वेगवेगळा पद्धतीने विचार करतात . ज्या चांगल्या कामां बद्दल आपणास आपले डिपार्टमेंट  सर्टिफिकेट
देते आणी बढती देते तर दुसरीकडे आमचे डिपार्टमेंट त्याच कामासाठी  आपणास मदत केल्या बद्दल मला
वार्निंग लेटर देते जसा मी काही मोठा गुन्हा केला आहे.त्यांची व्यथा ऐकून मन उदास  जाहले .



-----------------------------------------------------------------------------


मंगळवार, २६ सप्टेंबर, २०१७

जगातील दहा धोकादायक,आक्रमक आणि भयानक जातीचे श्वान ( कुत्री ).........


कुत्री म्हणताच आपणास आठवतो तो इमानी, माणसाळलेला प्राणी . कोणी असा कसा विचार करेल की   हा प्राणी एक भयंकर व आक्रमक असेल ,पण दुर्दयव्याने काही जातीचे कुत्री जर त्यांना योग्य प्रशिक्षण ,प्रेमाने जोपासले गेले  नाही तर मग त्यांची निपज धोकादायक होईल. अशी जात निर्माण होण्यामागे बरीच करणे असु शकतात पण , त्यांची जनन आणि कोणत्या प्रकारची काळजी घेऊन ह्या कुत्र्यांचे पालन पोषण आणि प्रशिक्षण दिले जाते त्यावर अवलंबून आहे.

आश्या  प्रकारच्या धोकादायक ,आक्रमक ,व  भयानक कुत्री जगात अस्तित्वात आहेत त्या पैकी आपण दहा जातीच्या श्वाना सिम्बन्धी जाणून घेऊ या .


१)  द ग्रेट दाने    (The Great Dane  ) .........





Image result for the great dane dog

हा प्राणी खर्या अर्थाने शरीराने अतिशय मोठा व ह्याचे  हृदय पण आकाराने मोठे असते. जरी हा प्राणी प्रेम करण्या जोगा असला तरी त्याचा आकारमान आणि वजनामुळे भयंकर मोठा असतो .काही तर ५ फुटापेक्षा जास्त असतात. ह्या जातीच्या श्वानांना जर नीट प्रक्षिक्षण दिले गेले नाही तर त्यांच्या अंगस्वभावामुळे ते धोकादायक ठरतात .


Image result for the great dane dog





२) बॉक्सर ( Boxer ).......


हा प्राणी अतिशय कुटुंब वच्छल ,सांभाळ करणारा आहे. हा पहरेदार , रक्षक आहे वेळे प्रमाणे हा हल्ला पण करतो म्हणून ह्या जातीचे श्वान धोकादायक म्हणून ओळखले जातात . खरे तर हा श्वान निष्ठावान ,ईमानी व काळजी घेणारा आहे पण ह्याचे मुख बैला सारखे असल्या कारणाने ओंगळपणा आहे.



Boxer





३) वुल्फ हायब्रीड  ( Wolf Hybrid )



हा प्राणी जगातील एक अतिशय धोकादायक व घातकी श्वान समजला जातो . ह्या जातीचे म्हणजे संकरीत किंवा मिश्र पैदास केलेल्या कुत्र्यांना जर काळजीपूर्वक प्रशिक्षण दिल्यास ही माणसाळतात .पण त्यांचा मूळ गुण जो जातीवरच जातो तो त्यामुळे त्यांना घातकी म्हणून ओळखले जातात


Wolf Hybrid



४)  अलास्कन  मलमुटे  ( Alaskan Malamute  )



हा अलास्काचा राष्ट्रीय प्राणी आहे.  तो अतिशय भयंकर ,घातकी तसेच तात्काळ झेप घेणारा कुत्रा आहे.
हा लहान प्राण्यांना  अतिशय असहनशील व दहशत दाखवणारा आहे. हा प्राणी श्वान नाही तेव्हा पाळीव प्राणी म्हणून पाळण्यास योग्य समजत नाहीत .



    Alaskan Malamute



५) हुस्की ( Husky  )



हा प्राणी बर्फाच्या गाडीला जुंपण्यात येतो व त्यामुळे बर्फाळ  भागात आवागमन होते.  ह्या प्रकारचे श्वान  Alaskan Malamute  प्रमाणे भयंकर व घातकी आहेत . हे कुत्री मुळात कामसु असल्यामुळे याना लाडका प्राणी म्हणून घरात बाळगत नाहीत .


Husky



६) डॉबरम्यान प्रिन्सचेर ( Doberman  Pinscher )





हा श्वान दिसायला सुंदर आणी रेखीव असला तरी श्वांनीय जाती मधील अत्यंत घातकी ,हल्लेखोर प्राणी आहे. ह्याच गुणां मुळे ह्याला पसंती दिली जाते . जसा हा इतरांसाठी घातकी ,हल्लेखोर आहे तसाच कांही वेळा हा आपल्या मालकांवर पण धावुन जातो .




Doberman Pinscher





७)  जर्मन  जगटेर्रीर  ( German Jagdterrier   )



हा श्वान दिसायला लहान, पण सर्वात धाडसी (शूर ) म्हणून ओळखला जातो. हा ईमानी तसाच मित्रवत ,
ज्यास्त  संरक्षषणात्मक व घातकी आहे. सर्व श्वान जातीमध्ये हा  शिकारी कुत्रा   बुद्धिमान , हुशार ,असा मानला जातो  म्हणूनच ह्याला  “The Spartan dog”.असे संबोधतात .


German Jagdterrier


८) रोतत्वेहीर (  Rottweiler  )


हा प्राणी अतिशय घातकी ,अतिशय तडफदार ,नेमका झडपणारा आहे. ह्या जातीच्या श्वानांना पाळीव प्राणी म्हणून वाढवताना बरीच सावधानी बाळगावी लागते . हा श्वान आपल्या जननजाती प्रमाणे मूळच्या अंगस्वभावामुळे  आक्रमक वृत्ती , व कुरापती काढण्याच्या स्वभावामुळे हा लहान प्राणी व लहान मुलांसाठी  अतिशय घातकी,धोकादायक बनतात .



Rottweiler




९)  जर्मन  शेफर्ड  ( German Shepherd )



हा प्राणी  प्रचंड शक्तीचा ,राक्षसी वृत्तीचा ,आणि बुद्धिमान असल्यामुळे ह्यांना पोलीस दलात ज्यास्त मागणी असते कारण  हे रखवाली, तसेच वेळ प्रसंगी अत्यंत आवेगाने झेपावतो आपल्या सावजावर. हा प्राणी जवळ असताना कोणीही निष्कजी राहुच शकत नाहीत .


German Shepherd



१०)  पिट बुल (बैल)  ( Pit Bull  )


हा श्वान दांडगा धिप्पाड जातीचा कुत्रा मास्टिफस ( mastiffs ) व ( terriers  ),  टेररियर्स  ह्या दोन प्राण्या पासून  संकरित पैदास केलेले आहे.  ह्या दोन्ही प्राण्याच्या विशेष गुण वैशिष्ट्यामुळे ह्यांची संकरित जात  निर्माण केली  .मास्टिफ  हा दांडगा ,ताकदवर  धिप्पाड जातीचा कुत्रा आणि  टेररिएर हा भयंकर , सक्रीय , बुद्धिमान आणी चौकस असा प्राणी आहे. ह्या दोहोंचे गुण ह्या संकरित श्वानांत आलेले असल्यामुळे हा पोलीस श्वान तुकडीत आग्रहाने समाविष्ट केला जातो.
बऱ्याच देशांत ह्या प्राण्यावर बंदी आहे पण काही लोक ह्यास युद्धभूमीवर उत्तम कामगिरी करणारा दुश्मनाचा कर्दनकाळ म्हणून सैन्यात भरती करण्याचा आग्रह धरतात

Image result for pitbull dog



Image result for pitbull dog



=================================================

माहिती व छायाचित्रे  मायाजालावरून  

मंगळवार, ७ फेब्रुवारी, २०१७

जगातील नाविन्यपूर्ण शिल्पकृती ( 7 ) ..........!!!



शिल्प सोळावे ---


" स्पायडर म्यामन  "  Spider  Maman " 



" स्पायडर म्यामन " ( Spider Maman ) हे शिल्प १९९९ साली ब्राँझ , स्टेनलेस स्टील आणि मार्बलने शिल्पकार  Louise Bourgeois  ह्यांनी  घडविले आणि  Tate  Modern आर्ट ग्यालेरी इथे स्थापित केले . 


हे शिल्प एका कोळीनिची प्रतिकृती बनवलेली आहे. ह्या शिल्पाची उंची ३० फुट असुन ह्याच्या स्याकमध्ये पांढरे छोटे छोटे मार्बल्स ठेवण्यात आले आहेत आणी हे अंड्याच्या आकाराचे आहत. म्यामन म्हणजे कोळीण आई आणी तिची नाजुकताव रक्षात्मकल गुण ह्या शिल्पांत दिसुन येते.

शिल्पकाराने आपल्या ह्या कलाकृती बद्दल आपल्या भावना अश्या व्यक्त केल्यात.



"" The Spider is an ode to my mother. She was my best friend. Like a spider, my mother was a weaver. My family was in the business of tapestry restoration, and my mother was in charge of the workshop. Like spiders, my mother was very clever. Spiders are friendly presences that eat mosquitoes. We know that mosquitoes spread diseases and are therefore unwanted. So, spiders are helpful and protective, just like my mother.""


— Louise Bourgeois






शिल्प सतरावे ……. 



नॉटेड गन  शिल्प ( Knotted Gun ) 






नॉटेड गन  ( Knotted  Gun ) हे शिल्प अहिंसा ( Non Violence ) ह्या तत्त्वावर  स्विडीश शिल्पकार कार्ल फेड्रिक ( Carl Fedrik ) ह्यांनी प्रसिद्ध गायक, गीतकार व तसेच शांतता प्रेमी चळवळीचे शिलेदार जॉन लेननोन  नंतर त्यांच्या स्मरणार्थ सन १९८० साली हे शिल्प साकारले . 

ह्या शिल्पांत ४५ क्यालीबरचे पिस्तुल आहे आणि त्याची समोरील नळी ही पिरगळलेल्या स्थितीत व वरच्या बाजूस त्याचे तोंड अशी साकारलेली म्हणून ह्यास " नॉटेड  गन " असे संबोधण्यात येते. 



शिल्प अठरावे ……. 




द शार्क शिल्प ,ऑक्सफर्ड ,युके 








हे शिल्प शार्कच्या  २१ व्या जयंतीच्या निमित्याने John Buckley  शिल्पकाराने बनविले. हे शिल्प ३२ टन वजनाचे आणि २५ फुट लांबीचे आहे. 



ऑक्सफर्ड सिटी कॉन्सिल ने हे उभे करण्यास परवानगी नाकारली कारण त्यांना पक्की खात्री नव्हती की हे शिल्प अश्या घरावर उभे राहू शकेल ? लोकांवर पडण्याची त्यामुळे अपघात होण्याची शक्यता जास्त वाटत होती  शिल्प उभारणाऱ्या इंजिनिअरनी  जेव्हा त्याची खात्री दिली आणि टेक्निकली प्रुव्ह केले तेव्हा परवानगी देण्यात आली .   


शिल्प एकोणीसावे ………! 

 " स्वातंत्र्य " शिल्प ( Freedom ) Philadelphia, Pennsylvania, USA 






हे शिल्प जगप्रसिद्ध ग्रीक शिल्पकार Zenos Frudakis ह्यांच्या कल्पनेतून सोळाव्या स्ट्रीट  आणि विने स्ट्रीट , फिलाडेफिया , अमेरिका इथे साकार झाले . 

शिल्पकार हे शिल्प साकारण्या मागचे आपले  मनोगत  असे स्पष्ट करतो '



 
I wanted to create a sculpture almost anyone, regardless 

of their background, could look at and instantly recognize 

that it is about the idea of struggling to break free. This 

sculpture is about the struggle for achievement of freedom 

through the creative process. "


जरी ह्या शिल्पात चार व्यक्ती दिसत असतील तरी एकच व्यक्ती डावीकडून उजवीकडे 

वेगवेगळ्या  स्थितीत सरकताना दिसेल. सर्वात प्रथम मृत व्यक्ति किवा ममी  

जखडलेल्या अवस्थेत दिसतो . 


दुसर्या अवस्थेत तो गुलाम जो स्वतः ची सुटका करण्यात धडपडत आहे, तिसर्या
चवथ्या स्थितीत तो संपुर्ण मोकळा झालेला आनंदाने आपले हात उंचावत जखडलेल्या 

स्थितीत तो स्वतःस जखडलेल्या अवस्थेतून  भिंती पासून  मोकळा होवून स्वतंत्र 

होण्यासाठी  बाहेर पडताना दिसतो.  

स्थितीतून स्वतंत्र झाल्याचा स्थितीत  दाखवला आहे. शिल्पकाराने अतिशय कल्पकतेने 

स्वातंत्र्य प्राप्तीची संकल्पना ह्या शिल्पा द्वारे दाखविले . 



विसावे शिल्प ………….!



इंद्रधनुष्या वर विराजमान "पिता / देव " शिल्प … 



कार्ल मील्लेस ( Carl Milles ) स्वीडिश शिल्पकार जे कारंजे शिल्प साकारण्यासाठी प्रसिद्ध आहेत

ह्यांचे वास्तव्य अमेरिकेत होता . यु एन ओ च्या स्थापना प्रित्यर्थ एक शिल्प साकारण्याची जबाबदारी कार्लनां  दिली गेली . 


त्या प्रमाणे त्यांनी मॉडेल  बनविले आणि सेक्रेटरी जनरल ह्यांना दाखविले . हे शिल्प  यु ऐन ओ मुख्यालयाच्या समोर " शांततेचे प्रतिक " म्हणुन स्थापित होणार होते  पण ,पैश्या अभावी आणि काही लोकांच्या हरकतीमुळे  हा प्रोजेक्ट सन १९५४ साली रद्द करावा लागला .


कार्ल  ह्यांचा निराशे पोटी सन १९५५ साली त्यांचा मृत्यु झाला . हे शिल्प कार्लच्या निधना नंतर ४० वर्षा नंतर कार्लचे शिष्य मार्शल फेड्रीक्स ( Marshall Fredericks ) ह्याने सन १९९५ साली नाका स्ट्याण्ड ,स्टाक होमच्या उपनगरात निर्माण केले  . हे शिल्प ६० फुट उंचीचे त्यावर एक नग्न पिता /देव आर्चच्या शेवटच्या टोकावर उभी आहे आणि त्या आर्चच्या  टोकातून पाण्याचा फवारा सोडण्यात आले.  




( समाप्त )

===========================================================================
=====================================================================




माहीती  आणि छायाचित्रे आंतरजाला वरून गुगल  ईमेजेसच्या सौजन्याने . 

सोमवार, १७ ऑक्टोबर, २०१६

जागतिक पर्यटकांत व प्रसार माध्यमांत भारता विषयी भ्रामक कल्पना .





पाश्चिमात्य माध्यमे आणि पर्यटक भारताबद्दल बऱ्याच वर्षांपासून असे दाखवतात की येथील माणसे मागासलेले आहेत हे आपल्या लिखाणातून किंवा फोटोंच्या माध्यमातून दाखवताना आपण बऱ्याच वेळा पाहिले आहे.
 भारत हा देश गरीब आहे इथे लोक व जनावरे मोकाटपाने हिंडताना दिसतात. आणि म्हणून काही काळा  पूर्वी  जगातून येणार पर्यटक प्रथम विचारणा करतो की गरीब लोकवस्ती कुठे आहे म्हणजे तिथे जाऊन आपल्या क्यामेऱ्यात  गचाळ द्रुष्ये कैद करून आपल्या देशांत भारताची परीस्थिती  दाखवतात.  
हे असे का करतात ते ?कोणास ठाऊक कदाचित प्रपोगंडा असेल भारत विरुद्ध की हा देश म्हणजे " third world. " आहे.

हा समज आता तसा कमी झाला आहे  तो आपले  भारतीय जागतिक सर्व क्षेत्रात आघाडीवर असल्यामुळे .
भारत म्हणजे " स्लमडॉग  " नाही पण  एके काळी हा देश  
" सोने की चिडिया  " म्हणून प्रसिद्ध होता आणि  त्याची  संस्कृती  फार प्राचीन आहे  . येथील गावे आणि शहरे  जागतिक दर्जाची आहेत  हे ह्या मंडळींना  दाखविण्यासाठी  काही  छायाचित्रे  .


१ ) यमुना एक्सप्रेस  ( दिल्ली -आग्रा  )



Pic ScoopWhoop



२) आमची मुंबई



Pic - CityData



Pic - IndiaHolidays



३) वीरभुमी  आणि लेक सिटी  उदयपूर




Pic - Make my Trip



४) कोलकत्ता ( आनंदी शहर )




Pic - AudioCompass


५) काश्मीर ( भारताचे नंदनवन  )



Pic - TourmyIndia


Pic - BrightWayGroup


६) साबरमती ( अहमदाबाद  )



Pic - snehasallapam



७) भारताची शान प्रजासत्ताक दिन परेड ( दिल्ली  )



Pic - Blogspot.com


८) लोटस टेंम्पल 



Pic - businessinsider


९) क्विन  नेकलेस आणि बांद्रा -वरळी सीलिंक  ( मुंबई )



pic - Pintrest



Pic - skyscrapercity



१०) राजवाड्याचे शहर जयपुर  आता आधुनिक झाले.




Pic - panoramio



११) दक्षिणेकडील अद्भुत शहर हैद्राबाद येथील चारमिनार .




Pic - HelloTravel



१२ ) भारताची   आय टी  राजधानी  बंगलोर





Pic - Ibtimes


१३) नॉर्थ ईस्ट भारताचे प्राण असलेले शहर ऐझवाल .




१४) भारताचे अभिमान नॉर्थ ईस्ट गंगटोक .





१५ ) महामार्ग ( हायवे ) चन्नई .



Pic - flickr


१६) चन्नई  येथील सुंदर मरीना बिच



Pic - panoramio


१७ ) छत्रपती शिवाजी इंटरनेशनल एरपोर्ट मुंबई



Pic - renderspirit


अशी अनेक छायाचित्रे दाखविता येतील सुंदर भारताची  पण पाश्चिमात्य लोक व माध्यमे  फक्त वाईट गोष्टीच दाखवितात जणुकाही  हेच सत्य आहे या थाटात . 
एकविसाव्या शतकात भारत हा शक्तिशाली देश बनत आहे आणि त्याची आर्थिक, सामाजिक व्यवस्था मजबुतीकडे वाटचाल करीत आहे . आता पाश्चिमात्य देश भारताकडे वेगळ्या नजरेने बघत आहेत .एक प्रचंड बाजारपेठ ,तरुण प्रशिक्षित वर्ग सर्वच क्षेत्रात आघाडीवर , स्थिर प्रशासन , गुंतवणुकीस वाव असलेला , महाशक्ती बनण्याच्या मार्गावर असलेला देश अशी ख्याती होत आहे. 


// जय भारत //



-----------------------------------------------------------------

माहिती आणि छायाचित्रे  डेमोक्रॅटिक  पेपर  ह्यांच्या  सौजन्याने. 

















रविवार, २२ मे, २०१६

जगातील अविश्वानीय पादचारी पथ ( झेब्रा क्रॉसिंग )कलाकृती ……….!!!




रस्ता ओलांडणे म्हटले कि सर्वात प्रथम आपल्या डोळ्यासमोर येत ते  पलीकडे जाण्याच्चा रस्ता ( झेब्रा क्रॉसींग )पादचारी रस्ता , जो पांढर्या रंगानी रंगवलेले पट्टे  किती कंटाळवाणे  नाही  कां ?
जेव्हा आपले शहरी जिवन , आपल्या अवती भोवतालची जिवनशुन्य वातावरण , घड्याळाच्या काट्यावर ते जगण  सर्व काही निरुच्छाई असेल तर काहीवेळेस त्यांत आनंददायी वातावरण आणणे आवशक  असते. 

मग हेच जर आपण क्रॉसींग करण्याच्या रस्त्यांना  कलापूर्ण व आधुनिक पद्धतीने केले तर हेच कंटाळवाणे वाटणारे क्रॉसींग  स्फुर्तीदाईक  व कलाकुसर व जाहिरातीसाठी पण ह्याचा वापर करू शकु . 

ह्या पांढऱ्या पट्ट्यांच्या जागी जर काही कलात्मक ,आकर्षित करणारे बनविले तर बऱ्याच कंपन्या आपल्या जाहिराती करण्यास तय्यार होतील .
काहीवेळा अशी रस्त्यावर काढलेली कलाकृती बेकायदेशीर ठरवली जाते पण जगातील काही देशांत अविश्वासर्ह अश्या कलाकृती लक्षणीय ठरल्या .
प्रत्यक्षच बघा .




1.  डॉमिनो क्रॉस वॉक ( Domino Crosswalk )






2. क्रॉस वॉक जो तुम्हास सांगतो रस्त्याचे दोन्ही बाजू नीट बघा .

3. तरंगता  क्रॉस वॉक

 

4. मिनेसोटा येथील हिरवा आणि पांढऱ्या पट्ट्याचे क्रॉस वॉक


5. रेल्वे ट्र्याक आणि बंदुकीच्या गोळ्यांनी बनविलेले क्रॉसींग . 

6. राक्षसी पावलाचा ठसा असलेले क्रॉसींग ( नॉर्थ अमेरिका ) 

7. क्रिस क्रॉस क्रॉसींग ( ऑकलंड चायना टाऊन )

8. म्याकडोनाल्ड क्रॉसींग जाहिरात ( स्विझर्लंड )

9. सरमिसळ पांढऱ्या पट्ट्यांनी बनविलेला क्रॉसींग ( सर्बिया )




10. जाहिरातीतुन क्रॉसींग संदेश " गाडी वेगाने न्याल  तर जेलमध्ये बंद व्हाल "

व्हाल "


11. पियानो क्रॉसींग 




12. प्रेमाचा संदेश देणारे क्रोसिंग ( चिन )




13. अनिमेशन क्रॉसींग 




14. योर्कटोन येथील चाकू,सुरे,आणि विविध चमच्यांनी बनवलेले  क्रॉसींग


15.  रंगी बेरंगी व्यान्वूड रोड पादचारी मार्ग , मायामी 




16. सेंटीएरी  आर्ट  पद्धतीने बनवलेले पादचारी मार्ग, न्युयॉर्क . 




17.  संगीत पट्टिका पादचारी मार्ग . 




18. अदभुत  पादचारी मार्ग, हाई ल्यांड टाऊन . 




19. स्मशान भूमीकडे जाणारा पादचारी मार्ग . 




20.  झीप्प अर्धवट लावलेला पादचारी मार्ग, बाल्टिमोर 




21. पांढरे आणी काळे चौकोनी पादचारी मार्ग . 




22. एका प्रार्थमिक शाळे समोरील आनंदमयी पादचारी मार्ग . 




23. बुडबुड्यांचा पादचारी मार्ग , स्लोवेनिया . 










२४. इंद्रधनुषी पादचारी मार्ग , व्ह्यान्कुवर  क्यानडा .  








२५ . सरकते पादचारी पथ . नॉर्थ क्यारोलिना ,अमेरिका






२६ ) गमतीचा खेळ टिक्कर प्रमाणे दिसणारे हे "Fun Hopscotch" क्रॉस वॉक . बाल्टिमोर ,अमेरिका 





७ )  फिश -बोन क्रॉसींग





========================================================

माहिती संकलन मायाजालावरून आणि छायाचित्रे गुगलच्या सौजन्याने .